Maa tera pyaar

Hum tere saaye mein pale,
Hum duniya hai teri,
Hum hase toh tu hasi,
Hum rooye toh tu rooyi.

Humari khushi ke liye,
Tune din dekhi na raat.
Humare liye tune,
Aangan ko banaya gulistan.

Tere sanskaro par hum pale-bade,
Tere sang khele, tere sang jhume.
Humari tarakki ke peeche tere tera haath hai,
Kabhi na chute tera yeh anmol saath hai.

Tere inn haatho ne hume khana kheelaya,
Khud bhooki rahi par hume bhar-pet kheelaya.
Raat mein teri aanchal ne hume sulaya,
Neend na aayi toh teri looriyo aur kahaniyi ko humne bulaya.

Humse tu kabhi na hona durr,
Humse tum, tumse hum.
Hume rakkha hamesha tune apne palko ki chaao mein,
Kaamna yahi hai khushiya jhume teri jeevan ki naav mein.

Kaushalya ka pyaar aur yashoda ka laad,
Hamesha tujhmein nazar aaya hai.
Dhanya ho gye hai hum,
Jisne aisi Maa paya hai.