Mera naam, meri pehechaan

Mujhe suraj na kehena,
Usmein aag hai.
Mujhe chaand na kehena,
Usmein daag hai.
Meri pehechaan mera naam hai,
Mera naam he meri pehechaan hai.

Mujhe phool na kehena,
Woh murjhate hai.
Mujhe shama na kehena,
Woh pighal jaate hai.
Kisi aur vastu se meri tulna na karna,
Mera naam he meri pehechaan hai.

Mujhe Devi na kehena,
Woh dikhti nahi.
Mujhe khushi na kehena,
Woh tikti nahi.
Inn se kya janoge mujhe
Mera naam he meri pehechaan hai.

Mujhe gurur na kehena,
Woh jhuk jaati hai.
Mujhe zindagi na kehena,
Woh tham jaati hai.
Jhukhna aur tikna meri fitrat mein nahi,
Mera naam he meri pehechaan hai.

Mujhe pracheen na kehena,
Woh purana hai.
Mujhe naya na kehena,
Usse toh abhi aana hai.
Jo main hu, so main rahungi,
Mera naam meri pehechaan hai.

Mujhe mausam na kehena,
Woh aate jaate hai.
Mujhe pawan na kehena,
Woh thehar jaate hai.
Theharne ki meri aadat nahi,
Mera naam he meri pehechaan hai

Mera Astitva

Main janmi lekar lakshmi ka roop,
Maa ki godh bhari,
Pita ji ki maan bani.
Par mera Astitva kahi chip gaya.

Waqt guzra lekar,
Mera naya janam.
Bani ardhaangini,
Chali nibhane saare kartavya
Par mera Astitva kahi dab gaya.

Fir waqt chala lekar kandho par pankh,
Hua ek aur naya janam.
Janani bankar chali mamta ka sagar lootane,
Khushiyaa aayi fir aangan mein.
Par mera Astitva kahi chut gaya.

Abh hu mukt sabhi rishto se,
Sabhi kasmo, sabhi rasmo se,
Abh vada kiya hai khudse,
Poora karungi har sapna,
Jo kabhi baccpan mein tha mera apna.
Abh banungi apna Astitva, apni pehchaan se.